Misioni, vizioni dhe qëllimet

MISIONI

Fondacioni Femrat Krijuese të Malit të Zi u themelua nga një grup femrash të talentuara dhe të suksesshme të profesioneve, ndjeshmërive, reflektimeve dhe karaktereve të ndryshme.

Pavarësisht interesave dhe sferave të ndryshme të veprimit, emëruesit e përbashkët të të gjitha anëtareve tona janë: krijimtaria, forca, solidariteti, proaktiviteti, besnikëria ndaj Malit të Zi dhe përkushtimi i pakushtëzuar për përparimin e tij të përgjithshëm.

Anëtaret e Fondacionit janë të bashkuara në misionin që përmes projekteve dhe aktiviteteve të pasura të theksojnë rëndësinë e arsimit, kulturës, shkencës dhe sipërmarrjes, si dhe domosdoshmërinë e emancipimit të shoqërisë malazeze në lidhje me të drejtat dhe pozitën e femrave, barazinë ekonomike, politike dhe shoqërore.

Rrjetëzimi me shoqatat e ndërlidhura në kornizat rajonale dhe evropiane, për të realizuar aksione, nisma dhe projekte të përbashkëta, si dhe aspekti humanitar shumë i nevojshëm i punës së Fondacionit, duhet të forcojë edhe komunitetin lokal, por gjithashtu të afirmojë arritjet krijuese dhe sipërmarrëse të femrave nga Mali i Zi në nivel rajonal dhe ndërkombëtar.

Përveç vënies në dukje të paragjykimeve dhe pabarazisë gjinore, Fondacioni është i angazhuar edhe në misionin e forcimit të kapaciteteve të institucioneve tona, por edhe në rritjen e ndërgjegjësimit për identitetin kombëtar.

  • Ngrejmë dorën lart për të gjitha historitë në të cilat femrat janë në rolin kryesor
  • Inicojmë, frymëzojmë dhe motivojmë për botën e prosperitetit dhe krijimtarisë
  • Avokojmë për një shoqëri humane dhe përparim të barabartë për të gjithë në Malin e Zi
  • Përmes veprimit dhe aktivizmit proaktiv ne gjejmë dhe festojmë arritjet e femrave
  • Përpiqemi të japim kontribut modest në ndërtimin e një bote gjithëpërfshirëse
  • Jemi të vendosura për të vënë në dukje dhe për të sfiduar të gjitha padrejtësitë dhe pabarazitë me të cilat përballen femrat sot dhe këtu.

QËLLIMET

Një nga fokuset e veprimtarisë së Fondacionit është krijimi i një klime të favorshme për lirimin dhe zgjerimin e potencialit krijues të femrave, në frymën e praktikave moderne dhe standardeve evropiane.

Bazuar në postulatet e vërteta të vlerave shoqërore, multietnike, dhe multikonfesionale të një shoqërie të hapur laike, Fondacioni Femrat Krijuese të Malit të Zi vepron në përputhje me virtytet e trashëguara nga qenia shoqërore malazeze.

Prandaj, përveç të tjerash, qëllimet e Fondacionit janë edhe:

  • Forcimi i lirisë së fjalës dhe afirmimi i së drejtës për mendim të lirë të të gjithëve, pa përjashtim
  • Promovimi dhe ruajtja e trashëgimisë kulturore të Malit të Zi dhe identitetit të tij
  • Edukimi përmes krijimit të përmbajtjeve artistike dhe kulturore
  • Të menduarit dhe veprimi për projektin në nivel lokal dhe ndërkombëtar
  • Forcimi i industrisë krijuese dhe aftësive STEM (Science, Technology, Engineering and Mathematics)
  • Zgjerimi i potencialit krijues të femrave

Targetimi i Malit të Zi si një mjedis i frytshëm për veprimtari krijuese.

VIZIONI

Bazuar në parimet e transparencës, drejtësisë dhe barazisë, Fondacioni frymëzohet nga vizioni i krijimit të një mjedisi cilësor për afirmimin e njohurive si virtyt, dhe Malit të Zi si një vend ku individualiteti, kreativiteti, aftësia dhe edukimi do të vlerësohen, pavarësisht përkatësisë gjinore, fetare ose nacionale.

Forca e Femrave Krijuese të Malit të Zi bazohet në vizionin e krijimit të një shoqërie më të mirë dhe më humane në tërësi, përmes një impulsi pozitiv të përsosmërisë së përbashkët në shumë fusha të aktiviteteve tona.

Përmirësimi dhe zhvillimi i potencialeve të cilat i vëmë në dispozicion të komunitetit, janë kontributi ynë në krijimin e një shoqërie me mundësi të barabarta si dhe vizioni drejt të cilit Fondacioni synon.

Dhuro

Donate

Përshihu

Get involved

Bashkëpuno me ne

Partner with us